खेळ दिवस रातीचा

रोज नव्याने उमलणारी कोवळी आल्हाददायक सकाळ

आणि काही काळानंतर मावळणारी ती धूसर संध्याकाळ

दिवसाच्या ह्या दोन्ही प्रहरीं अतिशय शीतल मोहक

शुभ्र मेघमयी पुंजक्यातून डोकावणाऱ्या या निळ्याभोर आकाशी
लाल गुलाबी केशरी नानाविध रंगानी साकारलेली ही नक्षी

रंगछटांचा हा विलोभिय खेळ आसमंती रंगतो

अदृश्य चित्रकाराच्या कुंचल्याची किमया सांगतो

दृश्य जरी सारखे तरी अंतर पळाचे दोहोंमधी 

आयुष्य, आयुष्य म्हणजे आहे तरी काय?

ह्या दोन पळात रोज नवा खेळ मांडून

जरा विसावा घेणे नव्हे काय?

-मी मधुरा... 

२७ जुलै २०१८