झालोत जरी दूर आपण..

झालोत जरी दूर आपण 

तरीही, प्रेम मजवर करशील ना?
चुकून भेटलो वाटेत कधी 

ओळख मज देशील ना?

झालास जरी दुसऱ्या कोणाचा 
तरीही, तिच्यात मला पाहशील ना?

निजताना एकांतात 

आठवण माझी काढशील ना?

असला जरी दुरावा दोघांत
तरीही, मनानं जवळ असशील ना?
अबोला सोडून गुजगोष्टी करण्या 

स्वप्नांत माझ्या येशील ना?

असलं संपलं जरी सगळं
तरीही, तुझ्यांत मी उरेन ना?
पुढच्या जन्मी भेटण्याचं  

वचन मजला देशील ना?

-मी मधुरा.. 

************************************************