प्रिय मैत्री,
तुला प्रिय म्हणायलाच पाहिजे असे आजिबातच नाही. हो ना? जिथं तू आहेस तिथं प्रेम हे आलेच.. मैत्रीचा भावार्थच प्रेम आहे.. पण तुला पत्र लिहीते आहे म्हणून ओघाने प्रिय लिहीले गेले..
सर्व प्रथम तुला तुझ्या अस्तित्व दिनाच्या खुप खुप शुभेच्छा!! Happy FRIENDSHIP Day!!!
मैत्री, खरचं तू कोण आहेस? जेव्हा पासून मला आठवते तेव्हा पासून तू माझ्याबरोबर सतत वेगवेगळ्या रूपात वावरत असतेस.. अगदी सहज सावली सारखी... आई-बाबा, आजी-आबा, काका-काकू, आत्या-मामा, ताई-दादा पासून तुझी झालेली ओळख पूढे मित्र मैत्रिणींनी जपली... अगदी शेजारी-पाजारी सुद्धा ह्याला अपवाद नाहीत.
मैत्री, आपले नाते खुप सुंदर आणि शाश्वत आहे.. तू जशी अलगद खांद्यावर हात ठेवून मी तुझी असल्याचा हक्क सांगतेस तितक्याच सहजतेने अश्रू आणि आनंद ही न सांगता टिपतेस.. तुझ्या समोर कोणत्याच भावना अव्यक्त राहत नाहीत कारण, तुझ्याशी बोलायला ना शब्दांची गरज आहे ना आनंद दाखवायला हास्याची आणि ना दुःख्ख सांगायला अश्रूंची!! एकमेकांचे वेगळेपण जपत इथवर मिळालेली तुझी साथ खूप मोलाची आहे..
मैत्री, तू माझ्यासाठी काय आहेस हे शब्दांत सांगणे केवळ अशक्य आहे... तू माझी आस आहेस.. तू माझा ध्यास आहेस... तू माझं सर्वस्व आहेस..
आणि काय लिहु? तुला तर सगळेच माहिती आहे 😊
-मी मधुरा..
************************************************
No comments:
Post a Comment